تزوير القبولات الجامعية الرومانية بكل أحترافية .
أخي و أختي : بآخر فترة صرنا نشوف بعض الشباب و البنات يلي عميحصلو على فيز دراسة في رومانيا و بيعملو بوستات عالفيسبوك و الناس بتروج لهم و بقولو :
جبنا الفيزةالدراسية بطريقة سريعة و سهلة و عن طريق شخص ساعدني لأحصل عليها و للتفاصيل أكتر تواصلو معي .
ف بهالطريقة في كتير ناس بتصدق و بتصير بتراسل لحتى توصل للشخص يلي عميجيب قبولات جامعية و عأساس هو بيعملك وراقك بشكل سهل لتحصل عالفيزة و تسافر بسرعة و بصير يطلب مبالغ مستحيل تكون أقل من 400$ .
رح نحكي عموضوع القبولات الجامعية :
أياك/ي أن تراسل/ي أي شخص ما تعرفوه لأنه رح يزور أوراق القبول الجامعية بطريقة أحترافية و أنت/ي ما رح تعرفو أنه مزور ليوم المقابلة في السفارة و يتم رفضك بسبب القبول .
حصراً راسل/ي الجامعة يلي بدك تدرس/ي فيا عالأيمل التابع لألها ( ببساطة فيك/ي تدخل/ي عالغوغل تكتب/ي اسم الجامعة يلي بدك تدرس/ي فيها و تشوف/ي شو الأوراق المطلوبة و تراسل/ي الجامعة عالأيميل و تحصل/ي عالقبول و أنت/ي ضمنانين القبول مو مزور و فيك/ي تقدموه للسفارة و أنتو مرتاحين )
أي جامعة بترسل قبول جامعي بكون الاسم و الفرع الجامعي و بعض التفاصيل مكتوبة بنمط خط يلي للقبول الاول بكون غير نمط الخط للقبول الثاني """ بهالحالة يلي بدو يزور القبول بيدخل على موقع بيعرف نمط الخطوط و بيقدر يعمل متل الخط و الموقع اسمو (
whatfontis.com ) و بياخد نمط الخط و بصير يعدل براحتو و يحط أسمك و معلوماتك و أنت/ي شو حابين تدرسو و بحط الاختصاص و هالشي بياخد معو أقل من ساعة و بقلك خلال يومين ببعتلك القبول و المبلغ يلي طلبتو منك بتبعتلي ياه بعد ما ابعتلك القبول لحتى أكملك الأوراق يلي بعدا .
بهالحالة يا عزيزي و يا عزيزتي بكون وصلكن قبول جامعي مزور و بتبعتوه للسفارة و بحددو موعد للمقابلة و بتضلو شهر عمتتعذبو بباقي الاوراق و لما يصير موعد المقابلة و تعملو المقابلة و بعد بفترة تنرفضو بسبب القبول الجامعي المزور و بتروح المصاري و التعب يلي تعبتوه عالفاضي .
و يلي عمل القبول و زوره بيحظرك بعد ما تبعتلو و تقلو ليش هيك صار و غيركن بروح ضح.ية قبول مزور بسبب شخص تافه بكون متفق مع ناس تافهة متلو بينشرو بوستات للشباب و البنات العرب منشان يعمللهم قبول جامعي و يوهمن بأنو كل شي نظامي .أنتبهو جداً و لا عاد تصدقو أي شي بتشوفوه عالأنترنت لحتى تشوفو بعيونكم
والله شيء غريب كيف هالناس بتاكل مال حرام لتعيش و لا كأنهم عاملين شي !!!!
.jpg#joomlaImage://local-images/stories/joomlart/Mazen/Mazen (4).jpg?width=960&height=640)
